Дил розларим сизга армугон

6/8/2008 11:08:07 AM
Америка тарихида буюк янгилик кутилмокдами?

Вашингтoн

Чоршанба куни демократлар партиясига лидерлик имкониятини кулга киритиб Америка тарихига янгилик олиб кирган Баррак Обама кейинги беш ойда Республикачиларнинг призидентликка номзоди Жон МкКайнга карши Ок уй учун курашади.

Сирли сиёсат сахнасига бирдан отилган Обама кушма штатлар призидентлиги учун курашаётган ва биринчи мувофакиятларни кулга киритган кора танли номзоддир. Иллинойслик сенатор Обама нихоят сешанба кеча Августда буладиган сайлов учун керакли 2118 дан ортик делегатни йигди демократлар партиясига лидерлик имкониятини кулга киритди.

Обаманинг ракиби Хиллари Клинтон, 17 ой мукаддам демократлар партиясига лидерлик давоси билан курашга кирган кушма штатлар тарихида биринчи аёл номзод эди ва у уз тарафдорларига бу уринишини "хаётимдаги огир аммо матонатли кадам" деб атади.

Август ойида Обама демократлар партияси лидерлигини эгаллайди ва жаноб Жорж Бушнинг призидентлик урни учун республикачи Жон МкКайн билан сиёсат сахнасида тукнашади.
"Бу окшом тарихий ва шарафли бир жараённинг якуни ва унданда шарафлирок йулнинг бошланиши булиб тарихга кирди" - деди жаноб Обама Миннисотанинг Паул кучасида нишонланган галаба кечасида.
"Бу окшом мен сизларнинг каршингизда туриб айтишим мумкинки, мен кушма штатлар призидентлигига демократларнинг номзодиман" деди у 17 000дан ортик олкишловчиларнинг кийкирикли кутловлари остида. Яна 15 минг киши бино ташкарисида туриб унинг мувофакиятини нишонлади.

Клинтон хоним партиянинг Нью Йорк вакилларига Обамага уринбосар булиш хохиши борлигини билдирди ва уни куллаб кувватловчилар хозирданок Обамани Клинтон хонимни уринбосар килиб олиш учун кистай бошладилар.
Чоршанба куни СНН канали таркатган маълумотга кура, БНТВ бошлиги Роберт Жонсон, конгресс вакилларига Обамадан, Клинтон хонимга "Иккинчи ракамли" лавозимни беришни талаб килишларини сураган.
Натижалар кониктирмаган Клинтон хоним тарафдорлари эркин овоз берувчилардан нажот кутаётган МкКайнга ёрдам беришлари мумкинлиги айтилмокда.
"Мен бу сайловда эркин овоз берувчилар ёрдами билан енгиб чикаман" деди МкКайн АБС каналининг "Салом Америка" тонгги дастурида.

Кора танли ота ва ок танли Кансаслик аёлдан дунёга келган Обаманинг ютуги, Америка тарихида катта янгилик булди. Бир карашда бундай янгиликни кушма штатлар ахолиси оддий хол деб кабул килиши учун, Америкада кора танлилар хукуклари эътироф этилганидан кейин яна 45 йил керак булди.
Шу билан бир вактда бу жараён, ракамлар бир бирига жуда якин булган ва жуда узок давом этган номзод курсатиш жараёнларидан бири булди. Америка тарихида биринчи аёл номзод булган Клинтон хоним 1900 дан ортик делегатнинг овозини олди.
Беш ойлик штатма штат номзод йигиш маросими сешанба куни Обаманинг Монтанада ва Клинтон хонимнинг Жанубий Дакотада голиб булиши билан якунланди.

МСНБС маълумотига кура Обама тарафсиз булган 70 дан ортик делегатларнинг уни куллаб кувватлашини маьлум килганидан кейин 2156 овоз билан голиб келди. Бошка партия рахбарлари чоршанба куни Обама тарафига утиши кутилмокда. Делегация лидерлари делегатлар жума кунигача овоз беришни тугаллаши кераклигини эълон килди.

Мен партиямизни Ноябрь ойида ок уйга кучиб утиши учун каттик харакат килдим - деди Клинтон хоним куп сонли Нью Йорклик куллаб кувватловчиларга. Аммо у Обамага карши гапирмади.
Якин келажакда уларнинг иккаласи учрашиб Клинтоннинг партиядаги урни тугрисида гаплашиши кутилмокда. Клинтон компаниясининг бошлиги Терри МкАулиффе "Хиллари хар доим, ким голиб булишидан катъий назар партиянинг кузги сайловларда ютиб чикишига ёрдам бераман"-деб таъкидлаб келмокда эди" - деди.
Чоршанба эрталаб жаноб Баррак ва Клинтон хоним телефон оркали гаплашдилар - деди Обаманинг сузловчиси Роберт Гиббс - Обама "сенга качон кулай булса уша пайтда утириб гаплашишга тайёрман" - деди. Аммо учрашув белгиланмади.

Обама ва Клинтон чоршанба куни Израил ва кушма штатлар уртасидаги муносабат тугрисида мулокот юритишади ва бир вактнинг узида Обама кузги сайловлар учун харакатларини бошлайди. МкКайн сайловга тайёргарликни утган Март ойидан республикачилар партияси томонидан бошлаган эди.

"Бу жуда узок муддатли мусобака булди ва мен бугун хеч нимани хал килмайман - деди Клинтон хоним чоршанба кун журналистларга "Келаётган кунларда мен тарафдорларим ва партия рахбарлари билан партияни ривожлантириш уз урнимни тахлил киламан"
Обама Килинтон устидан галаба козонгач унга хайрихохлик билдирди: "Сенатор Клинтон факатгина бирор аёл киши килолмаган ишни килгани учун эмас балки миллионлаб Америка халкининг ишончини козонганлиги учун хам тарихий янгилик яратди"

МкКайн 71, собик Ветнам уриши махбуси, Обамага карши призидетлик лавозими учун пойга суради. У шу кунларда Лоуисианадаги дала ховлисида соглигини тиклашга харакат килмокда. Бир карашда у Буш ва Обама уртасидаги сунгги машмашалардан узокрок булиш учун яхши бахона топгандай куринмокда.
Обама МкКайннинг мустакил иш ёки фикр юритаётганлигига шубха билдириб унинг Бушга алокадор шахслигига ишора этди.
Обама, 46, узининг сайлов учун биринчи харакатларини бошлади ва Америкада бешинчи энг ёш призидент булиш эхтимоли кучли.

У 2004 йилдаги ажойиб ва таъсирчан маърузасидан кейин Иллиноис штатида демократлар партиясига сенаторлик лавозимига тайинланган эди.

манба:www.cbc.news.ca
Инглиз тилидан Дилсора Фозилова таржимаси.

(Давомини укинг...)

5/27/2008 12:01:29 AM
Стефан Харпер Европага сафар килади.

Оттава

Канада бош вазири Стефен Харпер (Stephen Harper) душанбе кечкурун Европага сафар килиш максадида Оттавани тарк этди. Сафардан биринчи максад Киролича билан учрашиб табиат мухофазаси тугрисида фикр алмашишдир.

Жаноб Харпер Европа сафари давомида Франция, Германия, Италия ва буюк Британяда булиб уч кун давомида давлат рахбарлари билан учрашади. "Бу сафар киска, аник максадлар кузланган иш сафаридир," деди бош вазирнинг мулокот ишлари буйича ёрдамчиси Сандра Буклер.

Бу йил ёз Канада бош вазири учун мухим сафарлар мавсумидир. У давлат бошкарувчи гурух билан биргаликда июнь ойида урта осиёга боришни ва июль ойида Японияда буладига Г-8 сабмитида катнашишни режалаштирган.
(Г-8 Канада, Франция, Италия, Буюк Британия, Россия, Кушма штатлар, Германия, Япония давлатларини бирлаштирган саккизлик гурухидир. Дунёда ишлаб чикариладиган махсулотнинг 65%, хабий кучларнинг ва дунё ядро куролларининг асосий кисми шу саккиз давлатга тегишлидир(таржимондан)

Жаноб Харпернинг ёз мавсумида Канада провинциялари буйлаб сафар килиш нийяти хам йук эмас. Европага сафар давомида С.Харпер Бонн шахрида буладиган бутун дунё табиати мухофазасига каратилган конфренцияда ва Лондонда буладиган бизнесменлар билан учрашувда маърузалар килади.
Буклернинг айтишича жаноб Харпер Канаданинг иклим узгаришининг олдини олишга доир режаларини очиклайди. Аммо мулозим у бу тугрисида куп маълумот бермади.

Шу билан бир каторда жаноб Харпер Европа иттифоки билан хар томонлама хамкорликни кучайтириш тугрисида мулокотлар олиб боради.

Бу сафар - бу йилги Японияда буладиган Г-8 саммитидан олдин Канада бош вазирининг саммитдаги барча давлат рахбарлари билан телефонда ёки юзма-юз гаплашиш режасига куйилган кадамдир.

Номини эълон килмаган бош вазир маслахатчиларидан бирининг айтишича жаноб Харпер "Гриннхоус"(Green House) газ конларининг табиатни ифлослантиришини камайтириш чораларини Европалик хамкасблари билан мухокама килади.

Табиатни мухофаза килиш министри Жон Баирд сафар давомида бош вазирга хамрохлик килмокда.

Шу билан бир каторда жаноб Харпер Европа билан Канада уртасидаги йул хизмати соликларини камайтириш буйича мулокотлар олиб боради.

"Биз Европа иттифоки билан кенгайтирилган, иктисодий кунгилли хамкорлик олиб бориш нийятидамиз" деди Канаданинг давлат мулозими.

2005-2006 йилларда 400 миллион киши иштирок этган савдо сотикда 110 биллион доллар йул соликларига сарф килинган.

Манба:cbc.news.ca
Инглиз тилидан Дилсора Фозилова таржимаси.

(Давомини укинг...)

5/24/2008 10:08:42 AM
Росия лидери хитойга сафар килди

Россиянинг янги президенти Дмитрий Медведов узининг чет давлатларга биринчи расмий сафари давомида Хитойнинг Беижинг шахрида булди.
Россияда президентилик лавозимини шу ойда эгаллаган жаноб Медведов, 42, икки кунлик сафар давомида Хитой президенти Ху Жинтао ва бошка расмий ледирлар билан учрашишдан максадини узаро хамкорликни яхшилашга каратилганлигини маълум килди.
Сунгги йиллар давомида Россия ва Хитой уртасидаги хар томонлама узаро муносабатлар ва хамкорлик юкори даражага кутарилди. Жаноб Медведов Хитой сафаридан олдин Козокистонда тухтаб утди ва Россия трубалари оркали эхпорт килинадиган неъфт махсулотлари савдосини давом эттириш масаласида келишиб олди.
"Бизнинг чет эллар билан хамкорлигимиз икки томонлама фойдали, очик ва дустона булиши керак" деди Россия президенти сафар олдидан Хитой журналистларининг берган саволларига жавоб берар экан. "Биз яна таъкидалаб утишимиз керакки Хитой биз билан юкори даражада хар томонлама хамкорлик киладиган давлатлардан биридир"
Хакикатданда Хитой - Россия учун Европа иттифокидан кейинги асосий хамкордир.
ББСнинг Россия хизмати тахлилчиси Стивин Еке "Хитойда экономик ривожланиш ва унинг куп сонли ахолиси, Россиянинг катор энергия корпорацияларининг ривожланиши учун жуда мухимдир" деди. Унинг айтишича Россия-Сино хамкорлиги Кушма Штатлар доминантлигини рад этиш учун етарлидир. Улар турт урта осиё давлатлари бирлигига кушилган эдилар.
Россиянинг олдинги президенти Владимир Путин бошчилигида "Шанхай" - Россия ва Хитой кушма корхонасининг узаги яратилди. Бу ташкилот экономик хамкорлик, тажриба алмашиш ва анти-терроризм форумларида иш олиб боради.
Шундан келиб чикиб айтиш мумкинки - дейди бизнинг мухбиримиз - Россияликлар Хитойнинг Россиянинг традиционал хукмбардолигига зарар етказиши мумкин булган тезкор регионал кучидан хабардор.
Жаноб Медведов июнь бошларида уз чикишларида очикдан очик Россияни критика килган Германия премьер министри Анжела Меркел билан учрашиш нийятида Германияга боришни режалаштирган.

манба: www.news.bbc.co.uk

Инглизчадан Дилсора Фозилова таржимаси.

(Давомини укинг...)

5/18/2008 1:19:52 PM
Эдвардс Обамани куллади

Кушма Штатларнинг собик демократик президентликка кондидати Жон Эдвардс Барак Обаманинг "Ок уйга талабгорлик" харакатларини куллаб кувватлашини билдирди. Мичиганда булиб утган митингда сенатор ёнида туриб сузлар экан жаноб Эдвардс "Жаноб Обама Америка учун зарур узгаришларни амалга ошира оладиган ягона инсондир" деб таъкидлади. Жон Эдвардс президентликка талабгорликдан шу йилнинг Январь ойида воз кечган эди. Мухбирларнинг фикрича унинг куллаб кувватлаши сешанба кунидаги шаркий Виржинядаги мувофакиятига карамай, жаноб Обаманинг ракиби булмиш Хиллари Клинтон хонимга нисбатан каттик зарбадир. "Американинг Демократия тарафдорлари уз номзодларини танладилар ва мен хам," деди Жон Эдвардс олкишловчи кийкириклар остида Мичиганда йигилган куп сонли тарафдорларга. "Бугун ишончли ва шижоатли йулбош кераклигини билган ва тушунган бир инсон бор... Бугун юрагидан иккита эмас, битта Америка яратиш зарурлигини хис килган бир инсон бор...ва уша инсон Барак Абама."

Жаноб Эдвардс кам таъминланганларга ёрдам ва тиббий хизмат курсатиш масаласида тухталди ва жаноб Обама бу сонни ун йил ичида яримга кискартириш дастури билан чикаётганлигига ургу берди.

Олдинги маърузаларида жаноб Эдвардс Хиллари хонимнинг кучи ва тургунлигига юкори бахо берар экан, у Американинг ишчи катлами хакида чукур кайгуришини таъкидлаб утганди.
Сайловлар давомида вакт жуда мухим урин тутади - дейди мухбирлар. Шаркий Виржиняда Хиллари хоним уз мувофакиятини байрам килаётган бир пайтда Жон Эдвардс Обама учун Хиллари хонимнинг мувофакиятига тенг даражада галаба имкониятини яратди.

Жаноб Эдвардс утган Январда номзодликни рад этгандан кейин, жаноб Обама ва Хиллари хоним унинг куллаб кувватлашига орка килмокда эди. Аммо унинг Обама тарафдори эканлиги маълум килингач Клинтон хоним томонининг умидини йукка чикарди.
"Биз Жон Эдвардсни хурмат киламиз, аммо шаркий Виржинядаги мувофакиятлар унинг фикрлари хакикатдан йирок эканлигини исботлади" - дейди Клинтон компанияси бошлиги Терры МкАулиффе.

Хозирча Демократик Президентликка номзодлар курашида Жаноб Обаманинг номзодини куллаб куватлаётганлар сони устунлик килмокда. Шу билан бир каторда у Клинтон хонимга нисбатан пул курсатгичида хам анча юкорида.

Клинтон хоним компанияси партиядадаги узок вактли фаолияти туфайли "супер делегат"лар ёрдамида автоматик овоз бериш чогида купрок куллаб куватланишидан умид килмокда.
ББС мухбири Жастин Веббнинг фикрича жаноб Эдвардснинг юкори даражадаги кулловидан кейин Клинтон хоним учун мувофакият янада кийинлашган.

"Ассосиатед Пресс" маълум килган ракамларга караганда Барак Обама 1.887 депутатга эга. Яна 139 депутатнинг куллаб кувватлаши Обама учун галаба деганидир. Аммо Клинтон хоним узининг 1.718 депутати билан бу курсатгичга етиш учун купрок куч сарфлаши зарур.

Манба: www.cbc.ca/news/
Инглизчадан Дилсора Фозилова таржимаси.

(Давомини укинг...)

5/17/2008 12:19:17 PM
Хитойда яна беш миллион уйсиз

Душанба куни Хитойнинг Сичуан провициясида содир булган дахшатли ер силкинишидан беш миллионга якин ахоли уйсиз колди - дейди хитой маъмурлари.
Хозиргача олинган маълумотларга караганда 22.069 кишининг улими аникланган ва минглаб одамлар ханузгача бедараклигича колмокда. Маълумотлар 50 000 га якин киши ер силкиниши окибатида улган булиши мумкинлигини курсатмокда.
Хитой призиденти Ху Жинтао офат юз берган вилоятларга сафар этар экан, вакт - бу куткарув жароёнидаги энг мухим омил эканлигини такидлади.
ББС мухбири М.Бристовнинг вокеа жойидан хикоя килишича, душанба куни Ханванг шахри кучаларида йигиб олинишини кутиб ётган мудаларни куриш мумкин эди. Тог этагида жойлашган бу шахар бутунлай бузилиб кетган. Юзлаб болалар мактабнинг бузилган биноси остида колишган. Куткарув ишлари олиб борилаётган мактаблар аянчли ахволда. Сон саноксиз ота оналар болаларидан умидвор булиб куз тикиб утиришибди - дейди у. Топилган мурдалар сарик жилдларга уралиб кариндош уруглари топиб олиши учун бузилмай колган мактаб биносида сакланмокда. Тирик топилишига умидвор булиб утирган она, 18 яшар углининг жасадини мактабдаги сарик жилдга уралган мурдалар орасидан топгани жуда аянчли холатга сабаб булди дейди янгиликлар мухбири.
Бош министр Вин Жиабао бу ер силкинишини 1949 йилда Фукаролар Республикаси ташкил этилгандан кейинги энг кучли, энг куп зарар етказган табиий офат деб атади. Унинг таъкидлашичам у ер силкиниши, 240 000 киши дунёдан утган 1976 йилдаги Тангшан ер кимирлашидан хам кучлирок булди.
Ер силкиниши содир булган эски шахарчалардаги 80%, янги шахарчалардаги 60% бинолар вайрон булган деб айтилмокда. Хитой нима сабабдан жуда куп мактаблар силкинишдан кейинги енгил кимирлашлар давомида бузилиб кетганлигини аниклаш учун текширув эълон килди. Чунки мактаб биноларининг курилиш инструкциясида бундай ер кимирлашга чидамли деб курсатилган. Кейинги, бири 5.9 баллни ташкил этган кимирлаш давомида регионда бузилишлар давом этган, ер кучишларига сабаб булган ва натижада транспорт воситалари ер остида колган ва эндигина кайта тикланган алокалар кайтадан узилган.

Сичуан хокими уринбосари Ли Чендгюннинг айтишича 4.8 миллион киши вактинча бошпана билан таъминланган. Уйсиз колганлар кулами факат Жима кунигина ойдинлашган. Шу кунга кадар алокалар ва баъзи шахар ва кишлокларга борадиган йуллар беркилиб колган эди дейди маъмур шахс АФП янгиликлар агентлигига.
Вайрона остида колганларни излаш ишлари давом этмокда, жума кунигача турт киши тирик тортиб олингани хакида маълумот таркатилди. Хитойнинг асосий тиббий ва харбий кучлари ер кимирлаши окибатида вайрон булган шахарлардаги ахволни енгиллаштиришга каратилган. Бир канча кушни давлатлар хам Хитойга уз куткарув гурухларини киритмокдалар.

Силкинишдан турт кун кейин Хитой телевиденияси вайроналар орасидан тортиб олинган холсиз ва жарохатлари богланган беш яшар боланинг расмини курсатди.
Палаткаларда яшаётган талабалардан бири шундай хикоя килади: "Биз палаткалардан иборат шахарчада ётибмиз. Ер силкиниши утган душанбада содир булди. Хамма талабалар ётокхоналаридагилар силкинишдан олдин палаткаларга эвакувасия килинди. Хамма палаткалар остида ухлаяпти. Палатка ичи нам ва биз жуда совук котмокдамиз. Кеча ёмгир ёккан эди, бугун хаво бироз яхши. Шароит огир, аммо биз бу кийинчиликларни енгишимиз керак. Бизда бироз масаллик ва сабзавотлар бор. Узимиз пишириб ейишга харакат килаяпмиз"

Топилган мурдалар сарик жилдларга уралиб кариндош уруглари топиб олиши учун бузилмай колган мактаб биносида сакланмокда. Тирик топилишига умидвор булиб утирган она, 18 яшар углининг жасадини мактабдаги сарик жилдга уралган мурдалар орасидан топгани жуда аянчли холатга сабаб булди дейди янгиликлар мухбири.

Табиий офат юз берган вилоятларда кидирув ва куткарув ишлари, шу билан бирга ер силкинишини келтириб чикарган омиллар урганилмокда.

Манба:

Инглиз тилидан Дилсора Фозилова таржимаси.

(Давомини укинг...)

3/20/2008 2:56:13 AM
Наврузингиз муборак булсин!

Тун билан куннинг тенглашувида хикмат бор.
Эзгулик устун келиши учун олдин узок муддат устунлик килган кабохат билан тукнашади. Бир лахза мувозанат тарозисида бир бирига ён бермай олишади. Кейин эса коралик енгилади. Каролик иложсизликдан, газабдан уз этини узи еб тугатади.

Кадрли юртдошлар!
Бугун сиз азизларни кутлуг Наврузи Олам билан муборакбод этиш имкониятидан бехад мамнунман.
Гарчанд биз бу наврузни узгача умидлар билан кутган булсак хам, унинг утган наврузлардан умидбахшрок эканлиги хеч биримизга сир эмас. Бугун сизнинг куксингиздан эсаётган шамоллар узгача.

Биз ажойиб юрт фарзандларимиз. Бир ховуч уруг сепсак, тонгда кум-кук майсага кузимиз тушадиган замин бу. Аммо Россия, Кушма Штатлар, Туркия каби кузга куринган давлатлар билан носамимий муносабат урнатиш оркасидан нимагадир эришмокка интилиб келган хукуматнинг харакатлари кушнининг уйидаги ошдан умидвор булгандек самарасиздир. Биз кушнининг ошидан умидвор булишимиз эмас, уз рузгоримизда кушниникидай кучли иктисод урнатишимиз керак.
Зеро кушнининг хам уз оиласи ва саховатининг чегараси бордир.

Шундай кутлуг кунда Узбекистон сиёсати хакида маруза укиш нийятида эмасман. Аммо Узбекистон хаётида дунё давлатлари билан самимий иктисодий ва сиёсий муносабат урнатилиши ривожланиш учун жуда мухим омилдир. Бугун давлат ташкарисида туриб килаётган хар бир харакатимиз, жумладан тил урганаётганимиз, узимиз яшаётган давлат сиёсатини, маданиятини ва тарихини урганаётганимиз эртага уз самарасини бериши шубхасиздир. Биз бугун урганмогимиз керак. Урганганда хам урганганимизни юртга олиб кетмок нийяти билан ёнмогимиз керак.

Хар бир захматнинг тагида хикмат булади. Насибамиз юртдан олисда сочилгани, юрт согинчи, ёру-биродарлар мехридан олис булишимиз эрта она Узбекистонимизнинг гуллаб - яшнашига хизмат килса не ажаб...
Барчамизни юртга кайтиб навруз сахарлари элга сумалак таркатишга етказсин.
Наврузингиз муборак булсин!

(Давомини укинг...)

2/26/2008 8:57:39 AM
Бу миллатга "Бургут"лар керак...

Бир Ватандошнинг мен тугримда ёкимли фикрлар билдира туриб "Бу аёлнинг мухолифатга кадай алокаси бор" деб ёзганини укиб кулгудан узимни тухтатолмадим. Яна кимдир менинг юртга кайтиб боришимдан ташвишланса, бошка биттаси мени айгокчиликда айбламокчи булибти. Ё алхазар...

Кузингизни юмингда ун йил ёки йигирма йил кейин узингизнинг каерда ва кай холатда булишингизни куз олдингизга келтиришга харакат килинг.(Оллох умр берса) Куз олдингизга келган суврат, астойдил интилсангиз имкониятингиз етадиган манзилдир. Уша куз олдингизга келтиролганингиздан баландрокда булишингиз жуда кам руй берадиган холатдир. Шу уринда мен узимни (Оллох умр берса) сиздек фикрида коммунистик чиркинликлар урнашганларга карши кураш майдонида кураман. Узбекистон хукумати ун марталаб алмашса хам, сиз кузига ялтираб куринмокчи булиб менга карши тош отаётганларингиз мустакиллик майдони пештокига урнатилсалар хам, мен узим танлаган йулда муким колавераман. Чунки сиз ечим деб уйлаётган хукумат узгариши бу миллатнинг узини тиклаши учун жуда кам. Чунки бу миллат сиздайлар борлиги учун шу ахволга тушди. Сиздайлар борлиги учун узининг жонкуяр фарзандларини факат улгандан, камалгандан кейингина кукларга кутарди. Гапларимга ишонмайсизми? Агар менинг шу харакатларим кимларнингдир тишини кайраётган булса-ю, улар туфайли соглигимга, жонимга зарар етса, ёки бемавруд улим топсам сизлар ушандан кейингина мени кукларга кутарасиз. Кахрамондан олиб кахрамонга соласиз. Ушандан кейингина менга ишонасиз.

Менга эса, бугун сизнинг олкишингиз керак булмагани сингари, уша пайтдаги алкашингиз хам керак булмайди. Мен бу йулга аёл булиб, ёки шоира булиб кираётганим йук. Бугун миллат келажаги учун ростакам курашиш бахт келтирмаслигини сиз сингари мен хам яхши биламан. Шунча тоза куч ва нийят фикрларингизга сигмаётган булса айбни мендан эмас узингиздан изланг. Бир сузни сизга ифтихор ва ишонч билан айта оламан: агар мен халкимга душман булсам, демак бу халкда дуст йук экан. Чунки мени СНБ ходими деб айтаётган, биз тикламокчи булган ёшлар ташкилотини топтамокчи булаётган сиз каби кишилар бу миллатга дуст эмаслиги бугун менга аён. Эртага эса бошкаларга хам равшан булиши мукаррар.

Мухолифат лидерларига очик мактуб билан чикиш уларга карши чикиш эмас. Мен уларни шу милатнинг олд инсонлари деб уйлаганим учун хам мурожаат килдим. Аслида эса биз улардан хеч нима кутаётганимиз йук. Мухолифат лидерлари, ёшлар улар чизган чизикдан ташкарида харакат килиб куриши янгича кураш йулини топишимиз учун туртки булишини тушунишлари ва йуклашлари фойдалирок буларди. Биз сал кузга куринганларга арзимаган бир нарса утказиб куйиб сафларига киритишни даъво килаётганларни куриб индамаймиз. Шундай товламачиликлар кетидан шу кунга тушган булсак хам уларга яна йул очиб берамиз. Чунки уларнинг сотиб олаётган кишиларининг нархи арзимасдир. Улар сотиб олаётган одамлари билан узокка боролмайдилар ва кураётган иморатлари омонатдир. Сизларга эса омонатлар керак. Сиз кучли фикрлардан, иродали кишилардан куркасиз.

Келинг якин утмишга бир назар ташланг.
Мен мухолифатнинг энг ёш вакилларидан эканлигимни инкор килмайман. Мен шу мухолифатнинг гоявий бирлашувини зарурлигини кутариб чикканимда хар томондан аридай гувлаб мухолифатнинг бирлашувини уйлаш ахмоклик эканлигини башорат килган сизлар эдингиз. "Бирлик" раиси "Менинг номимни хам "соткин" билан бир жойда ёзма" - деб иддао килган булса, баъзи бир юртдошлар тухмат килиш ва шахсиятга тегишгача бориб етди. Бир оз муддат утиб Узбекистонда призедентлик сайловлари якинлиги ва хар бир дакика ганиматлигини эсатувчи бир чикиш килдим. Унда Узбекистон ичидан (хох "Эрк" партиясидан булсин, хох "Бирлик" партиясидан булсин) мухолифат номзодини курасатиб, хаммамиз муштни бир жойга уриб уша номзодни куллаб кувватлашимиз керак деб ёздим. Аммо иккала партия рахбарлари хам узлари ишонмасаларда уз номзодларини курсатилишига таъма килиб туравердилар. Уша пайтда мен мисол келтирган инсонга (рост, ёлгонлиги Оллохгагина маълум)тилингизга келган хамма ифлосликларни сочган хам сизлар эдингиз. Аммо бировга лой чаплаб туриб бошка бировни курсата олганингизда балки сизни тушуниш мумкин буларди. Бугун уттиз миллион ахолиси бор давлатнинг учдан бир кисми бу халкка факат Каримов, яна учдан бири факат А.Пулат, яна учдан бири факат М.Солих йулбош була олишига ишонади. Мен эса бундай деб уйламайман. Хеч булмаганда юзта ёшдан биттаси астойдил хохласа шу халкка йулбош була олади. Бунга эса сизлар хам уларнинг узлари хам ишонишлари керак.

Бугун ёшларнинг умумий бирлигини, мустакил харакатини тузайлик, уларни кутарайлик, эзилган халк истикболига хисса кушайлик десам мени СНБга чикараяпсиз. Сиз хукуматдан тазйик курган деганда нимани тушунасиз? Узбекистонда хукуматдан тазйик курмаган бирор оддий инсон борми узи? Мен аёл холига Россияга келиб ишлаётганларни тахкирланган тушунаман. Мен бир ойлик келинчагини йиллаб ташлаб кетаётганларни, боласига хар куни атала кайнатиб ичираётганларни, дов-дарахини кесиб уй иситаётганларни, ойида козони бир пар гушт курмайдиганларни тахкирланган тушунаман. Агар улар тахкирланаётганларини хис килсалар ва калбан шу хукуматдан норози булсалар уларни мухолифат деб биламан. Сиз бу аёлнинг мухолифатга нима алокаси бор деб айтаётганлар мухолифатнинг энасидан тугулганмисиз? Сизнинг шу фикрлаш кучингиз билан хукуматнинг сизга кандай иддаоси борлигига аклим етмайди. Кимдир порахурлиги учун четга кочиб чикиб узини салкам дахо санаётган бир пайтда, кимдир кимнингдир ковушини ялаш билан корнини овлаш гамида юрган бир пайтда менинг куксимда ураётган юрак бебаходир. Сиз яхшилар хали куп гапирасиз. Бу дунёда угил булиб тугулганлар саноксиз, аммо йигит номига лойик булганлар саноклидир. Мен сизларни товукхонага камаб куйилган, йиллар утиб товук хислатларини олган бургутга ухшатаман. Аммо узбек халкига хакикий бургутлар керак. Сиз мени истаганингизча айгокчига чикарингу аммо танангизга уйлаб куринг. Бу миллатнинг йигитлари сизга ухшаб турганда бу миллатнинг аёллари аёл ёки шоира булолмайди. Бу миллатнинг эркаклари аёлга тухмат килиш билан машгул булганда бу миллатнинг оналари боласини ювиб тараб утиролмайди. Мен бугун сизга бир хакикатни айтаман. Мен инсон танасидан бут ясаб сигинмайман. Мен обрулирок одамнинг соясида туриб обру орттиришни уйламанман. Менинг курашдан максадим нохак кийналаётган миллатга фарзандлик килишдир. Шу билан сиздан фарк киламан. Бу миллатда узимга ухшаганлар куп эканлигига, улар бирлашса миллат кунига ярайдиган куч вужудга келишига ишонаман. Менинг отамнинг миллати рус, онамники узбек. Мени Оллох сабабсиз узбек миллати ичида, узбек миллати дарди билан яратмаганига ишонаман.

2/16/2008 12:00:34 AM
Биздаги шижоатни ва рухни синдиролмайдилар.

Демократик Узбекистон Конгресси раиси Жахонгир Мухаммадга юрт ташкарисида ташкил этилган "Уйгон Узбекистон" демократик ёшлар харакати асосчиларидан бири ва аъзоси Дилсора Фозилова томонидан очик мактуб.

Хурматли Жахонгир Мухаммад.
Интернет сахифаларида чоп этилаётган узбек мухолифати йулбошларига мурожаатларимиздан хабардор булсангиз керак. Мурожаатларимиз сабабсиз ёки максадлик эмаслигини кайта такидлаган холда, ёшларнинг истаётгани мукаддас Ватан учун озми-купми кураш йулига кирар экан сизларнинг, уларнинг фаолиятидаги урнингизни идрок этмокликдир. Чунки бизга сизлардек тажрибали ва юртпарвар инсонларнинг окил маслахатлари ва йул - йуриклари сув билан нур каби ахамиятлидир.

Ёш нихолга хос булган бир ажиб хислат шундаки, уни белидан чопсалар, чопилган жойидан сал пастдан панжалаб чикади. Аслида эса идрок сохиблари бундай ишни килмайдилар. Азиз юртдошларнинг фикрларини укиб туриб факат бир хулосага келдим.
"Биз тугри йулдамиз. Хеч кимда бизга карши чикишга асос йук. У болта ураётганлар атиги бештадир, унтадир: мабодо ундайлардан мингта, ун мингта булганда хам биздаги пок нийятни, шижоатни ва рухни синдиролмайдилар. Аксинча улар биз учун ахамиятларини йукотмокдалар холос. Бугун хар бир сузимдан гаразлик нишонасини излаётганларнинг фикрларини ярим табассум билан укиётганим бахтдир. Гурурки: ёшлар харакатининг атиги бир аъзоси улар отаётган тошларга, тупларга карши майдонда яккадир..."

Кадрли Жахонгир Мухаммад.
Биз Ватандан олисдамиз. Агар Ватанга кайтиб, четда туриб килаётганимиздан фойдалирок фаолият юрита олишимизга ишонсак, биз шундай килишга тайёрмиз. Биз халкимиз такдири ишончли кулларга утган куни, балки яна шоирларга, кимёгарларга, укитувчиларга айланармиз ва Ватан равнаки учун уз иктидоримиз билан хисса кушармиз. Балки узимизга лойик уринларни узимиз яратармиз. Балки калбимизда етарли кудрат, кулимизда элни ёругликка олиб боргувчи "харита" курсак, умримизни элга йулбошликка бахшида килармиз. Максад шу кадар эзгу эканлигини кайта таъкидлаган холда сиз кадрли юртдошдан ёшлар харакатини куллаб-кувватлашингизни, керак булганда кимматли фикр ва мулохазарингизни аямаслигингизни сураймиз. Биз ёшлар, бизга ижирганиб караётганларга эмас, камчилигимизни байрок килиб бир-биридан баландрокка илишга интилаётганларга эмас, хатоларимиздан окилона огох этадиганларга, камчиликларимизни тузатадиганларга мухтожмиз.
Сизга хурмат билан "Уйгон Узбекистон" демократик ёшлар харакати номидан Дилсора Фозилова.

(Давомини укинг...)

2/15/2008 11:58:36 PM
Абдурахим Пулатовга очик мактуб

"Бирлик" халк демократик партияси рахбари Абдурахим Пулатовга Дилсора Фозилова томонидан очик мактуб.

Кадрли Абдурахим Пулатов!
Залворли йиллар суронида "Бирлик" партиясининг узбек халкининг саодати учун олиб бораётган ишларидан куз юммокка хеч кимнинг хакки йук. Аммо Узбекистон сиёсатидаги тургунлик ва мухолиф партиялар уртасидаги ракобат, мухолифат кучлари узаро мустахкам халкада бирлашмаганини курсатди.

Кейинги йилларда матбуот сахифаларида узбек ёшлари ичида халкка бош булишга интилаётганлар, Ватан равнаки учун хаётини бахш этишга тайёрлар йуклиги, ёшлар Узбекистон келажагини уйламай куйгани тугрисидаги иддаоларга тез-тез кузимиз тушмокда. Тугрироги юрт ичкарисидаги ёшларнинг давлат сиёсатига бепарволиги ва юрт ташкарисидагиларнинг кучиб утган давлатларида яшаб колиб, уша давлатларнинг кучига айланаётганлари огир булсада хакикатдан у кадар йирок эмасдир. Бу каби йукотишлар Узбекистон келажаги учун кимматга тушиши шубхасиз. Шу уринда "Она юрт келажаги нима булади..?" деган огрикли савол, калбида Ватан туйгуси кучли булган инсонларнинг дардидир.

Сояларда, куринмай колиб кетаётган ёш кучларни юзага чикариш, улкан тажриба базасига эга булган "Бирлик" каби партия ва ташкилотлардан Узбекистон шароитида фаолият олиб бориш сирларини урганиш ва асосийси ёшларда халкка бошчилик килиш истагини кучайтириш максадида "Уйгон Узбекистон" демократик ёшлар харакатини ташкил этдик. Баъзи юртдошлар янги ташкилот очгандан кура мавжуд партиялар сафида харакат килсангиз булмайдими деган окил фикрларни билдиришмокда. Аммо карангки партиялар уртасидаги келишмовчиликлар узбек ёшларини бир сафга тортиш йулида мушкулотларини пайдо килмокда.
Харакатнинг вужудга келишидаги эътиборли вокеа шундаки "Ёшларни куллаш керак" деган урта авлод ва "Биз каддимизни тиклашимиз керак" деган кенжа авлод бир вактда мурожаатлар билан чикдилар ва узаро хамфикр гурухга айландилар. Канчалик кийин булмасин биз узаро бирлашиб юрт ичидаги ёшлар билан алока килишга, ёрдам кулини чузишга интилмогимиз керак. Керак булса Узбекистон хукуматига мурожаат ва талаблар билан чикиш, давлат ичида "Уйгон Узбекистон" ёшлар матбуот нашрини ташкил килиш олдимизга куйган биринчи максадларимиздандир.

Хурматли Абдурахим Пулатов!
Ушбу мактубдан максадим, кураш рамзига айланган "Бирлик" партиясидан ёшларимиз харакатини куллаб-кувватлашни сурамакдир. Сизнинг фикрларингиз ва ёшларимиз кучига ишончингиз, уларнинг ишларида рагбат булиб хизмат килишига шубхам йук. Ёшлар харакати ривожи учун биз умид эшикларини кокмокдамиз ва эшиклар ортида кандай инсонлар яшашидан вокиб этувчи жавобларни олмокдамиз. Шундай экан маслаклар бирлашганда максадлар янинлашувига ишонган ёшлар хукм этиб булмайдиган элчилардир.
Купларнинг калбида суниб бошлаган умид чирокларига ёшлар нур булиб кирадилар ва барча халк йулида умрини бахш этганлар бундан факат кувончга туладилар деган ишонч билан "Уйгон Узбекистон" демократик ёшлар харакати номидан Дилсора Фозилова.

(Давомини укинг...)

2/14/2008 9:10:30 AM
Майсаларни униб чикишига имкон берайлик!

"Эрк" партияси рахбари Мухаммад Солих жанобларига юрт ташкарисида ташкил этилган "Уйгон Узбекистон" демократик ёшлар харакати аъзоси Дилсора Фозилова томонидан очик мактуб.

Хурматли жаноб!
"Озодлик" радиосининг мулохазали тадбири боис, киска булсада сиз билан якиндан мулокот килиш имкониятига сазовор булганимдан мамнунман. Шу билан бир каторда чегараланган вакт фикрларимизни ва эътирозларимизни ойдинрок ифода этишга изн бермаганидан афсусдаман хам.

"Узбекистон сиёсий хаётига куклам келиши кутилмокдами?"
Мижозий маънода "Куклам" деб таъсифланган сиёсий узгаришлар келишига ишонмаганимизда, узингиз айтганингиздек бу майдонда туришдан маъно колмасди.
"Ёшларга имкон бермок керак" дейилган иддао, сизнинг мен учун кутилмаган жавобингизга сабаб булганидан афсусдаман. Узбекистон хукуматининг ёлгондакам сайловлари ва узбек мухолифати хаётида рахбарликка танлов ёки сайлов узок йиллардан бери кузатилмагани шундай фикрламокка мажбур килиши шубхасиздир. Зеро, янги майсанинг униб чикиши жуда кам холатлардагини унга богликлиги сиз билан мендек дехкон узбек фарзандларига сир эмас. Дехкон майса униши ва каддини тутуши учун масъулдир. Бунинг учун майсаларнинг кулогидан тортиб чикариш шартмас, етарли нур, сув, тупрок, керак булганда ишлов бериш зарур. Фикрларингизни тинглар эканман, каткалок тагига колиб, униб чиколмаётган гузани ундириш учун далаларда каткалок синдирилиши ёдимга тушиб кетди. Бир гал бригадирнинг тутакиб "Бу пахтани кулогидан тортиб чикаришим колди холос"- дегани ёдимда...
Демокчиманки, нимадандир умидвор эканмиз майсаларимиз унишига имконият яратмок, керак булса "кулогидан тортиб чикармок" лозим.

Халкимиз боласининг кулидан етаклаб бозорга олиб боради. Оталаримиз угилларини олийгохга укишга уннайди. Оналаримиз кизларини хунарманд булишини орзу килади. Аммо айтингчи, сиёсатчилари камалиб, кирилиб кетаётган бир даврда ким фарзандининг сиёсий майдонда кад ростлашини хохлайди дейсиз. Ёшлар ичида давлат бошкаришга лаёкатлилар булмаса Алишер Соипов каби утюрак ёшларнинг улими кимга керак.

Бир партия рахбари сифатида сизнинг ёшлар хакидаги фикрингиз мени кониктирмади. Чунки хар кандай уста ёки хунарманднинг мохирлиги унинг шогирдларининг иши оркали бахоланади. Бизнинг оркамиздан етишиб келаётганимиз йук экан, биз келажак тугрисида гапирмокка хаксизмиз.

Кадрли Мухаммад Солих жаноблари!
Узбекистон сиёсатига янги кучлар кириб келишини ва улар малакали авлоддан тажриба ва билим урганишини бир кадар тезлаштириш истаги билан "Уйгон Узбекистон" демократик ёшлар харакатини ташкил этдик.
Харакатимизнинг асосий максадларидан бири иктидорли ва шижоатли ёшларни сафимизга тортиб "Отахон" партия ва ташкилотлардан тажриба урганишларига имкон яратишдир. Орамизда истеъдодли шоир Ёдгор Обид, таникли сиёсатчилар: Алибой Йуляхшиев, Насрулло Саидов, Исмоил Дадажон каби узбек халкининг саодати учун умрини бахш этиб келаётганлар, сафимизда туриб ёшлар каддини тутиши учун тиргак булмокка тайёр эканликларидан бахтлимиз. Келажак ёшлар кулида эканлигини хис килган холда "Эрк" демократик партияси ёшларимизни куллаб кувватлайди деган умиддамиз. "Эрк" ёшларимизнинг ишончли маслакдошига айланган холда тарих сафиларида нурли из колдиришига шубхам йук. Сиз босиб утган машаккатли сиёсат йули ва бемисл тажрибангиз ёшларимиз учун ишончли кулланмадир.

Халкимизнинг огир ахволи ва йукотаётган йилларимиз масъулияти танимиз ва жонимиз эхтиёжларидан кечиб, калбимиз эхтиёжлари учун йул очади деган улкан ишонч билан "Уйгон Узбекистон" демократик ёшлар харакати номидан Дилсора Фозилова.

(Давомини укинг...)

Маколалар