Сизга етмас кушикларим тунни ёради,
Мен хали хам ойга бокиб хаёл сураман.
Кузингизга кучмасин деб кузларим дарди,
Сизнинг зийрак нигохлардан олис юраман...

Сезгандайсиз, сузим маъюс, овозим титрок,
Шайтондайин хамла килар иймон билмаган.
Элим онам, калб кузига тикилсам - мудрок,
Бу дунёда дард колмади багрим билмаган...

Келинлари зурланган халк, кони оккан халк,
Аёллари тилин тишлаб тухмат таккан халк,
Мардикор халк, Оллохгамас одамга кул халк,
Узи емай киргиз, козок, русни боккан халк...

Багримда сиз сезган огрик, эл солган огрик,
Гижимлайди жавоби йук жаллод саволлар.
Шу сабабли паришонман, тилларим боглик,
Йук, мен каби маъюс эмас хамма аёллар...

Ёзай дейман... ёзсам кайгу килар галаён,
Угай булур исён булиб тугулмаган шеър.
Ёзай дейман... алам ути куймагай омон,
Куйга чукиб жон берсаму, байт булса кабр.

Сиз билмаган бир шарпа бор менинг рухимда,
Тумарисдай забардас бир аёл шарпаси,
Ул занжирбанд этилгандир ёнган куксимга,
Укирмокда хурланилган аёлот саси...

Сезмайсизми, куймокдаман шашт билан кадам,
Писанд этмас тош тигидан конаган товон,
Мен киламан не килолса калби ут одам,
Менда йукдир жимжитгина яшайдиган жон.

Айб этмангиз огам десам, курмасам келиб,
Мен олисдан мехрингизни сезиб тураман.
Кузингизга кучмасин деб кузларим дарди,
Сизнинг зийрак нигохлардан олис юраман.

(Узтоз шоир Ёдгор Обид сувратидан илхом олиб)

Сершовкин йуллардан умрим изладим,
Изини топмадим бир заррасида.
Дарёлар кошида туриб бузладим,
Умрим дарё булди бир йуласига.

Окиб бораётган шошкин, бепарво,
Сувларнинг шилдири сокин туйгулар,
Киргоклар висолга етмаган вафо,
Тулкинлар, ул газзот килган кайгулар...

Киргогида туриб бокдим умримга,
Окимни тарс ёрган тошларни курдим.
Шамоллар уввиллаб курган кунимга,
Дарё булиб оккан ёшларни курдим.

Окарган сочларим сиртига кириб,
тараган саболар эслатди ёрим,
Теграмда яшиллик куксимни тилиб,
Ёдга солди маним дилбар диёрим...

Багримни кенг очиб борликка бокдим,
Оккушлар умримни безаган малак.
Мен шукрона билан бо-маъно окдим,
Шоир булиб ёнди оташин юрак.

Унга талпинардим болалик чогим,
Кайнок пешинларим утди киргокда,
Беш-унов тупланиб, сакраб бетиним,
Лой чаплаб сунг сувга отилган ёкда.

Муйлов сабза урган успирин йиллар,
Дилдор туйгуларга пайт келган сано,
Киргогида курдим ишкдан касрлар,
Унга дардим айтиб, топдим мумиё...

Ватанга сигмасам у булди ватан,
Сокин мажнунтоллар тилади бардош,
Аламдан ут булиб ёнганда бу тан,
У булди ховримни олгувчи жондош...

Мен иймон маъносин англадим тугал,
Тонгим не келтирса саховат билдим.
Бирор гам колмади этгувчи усал,
Бахтим, мен бугунга шох булиб келдим.

Яна сохилида турубман бу кун,
Пайгамбар ёшидан ошганда бошим,
Ул хам менинг каби муйсафид, сокин,
Бир бировга бокиб жилмаямиз жим...

(Дугонам Гулини кумсаб)

Гулим ернинг нафаси хушбуй,
Дардим - менсиз утар аза-туй,
Кел челагинг сув буйига куй,
Тол тагида хасратлашайлик.

Ёдингдами толбаргак такиб
Чопар эдик ёниб, тутакиб,
Сувдай кетди орзулар окиб,
Тол тагида хасратлашайлик.

Сийладими бу сагир такдир,
Хар гал келсам дунё бошкадир,
Мен каритдим онамни ахир,
Тол тагида хастарлашайлик.

Чугурлатиб болалик ёдин,
Эслаб унутилганлар отин,
Айтиб дилнинг пинхона додин,
Тол тагида хасратлашайлик.

Дунё мозор, мен тирик кабр,
Дуст-сирдошсиз куксимга жабр,
Иложсизман, йулим бошкадир,
Тол тагида хасратлашайлик,

Гулим сенинг кузларинг кора,
Куз ёш мени не килди кара,
Бошим икки дунё оввора,
Тол тагида хасратлашайлик.

Ким истаюр куйган калб расмин,
Ким англаюр мумтоз шевасин,
Дув-дув тукиб алам мевасин,
Тол тагида хасратлашайлик.

Эгним курмас атлас-у, шойи,
Румол билмас бошим савдойи,
Тупрок исин булдим гадойи,
Тол тагида хасратлашайлик.

Ёпгим келар гудагимга нон,
Аёл булиб кутсайдим мехмон.
Кушним исмин билмайман хамон,
Тол тагида хасратлашайлик.

Кузга сурай кадок кулингни,
Байрок килай босган йулингни
Кандай олай уксик кунглингни,
Тол тагида хасратлашайлик.

Ташвишларинг бир лахза унут,
Юрагимга Гулим дармон тут,
Сув буйига келмадим бехуд,
Тол тагида хасратлашайлик.

Огрик - дилга укилган кутба,
Одимлайди паришон кадам
Рост-ёлгонга бирдайин шубха
Дардлар маъюс, шармсиз алам.

Мен чурк этмай кетавераман,
Сизни яна кутавераман...

Дил эшигин ёпган аламлар,
Йулингизга зор эмас кузим,
Эрмакларим у ширин дамлар,
Узим билан оввора узим.

Дардларимни ютавераман,
Сизни яна кутавераман...

У сиз эмас кулимдан тутиб,
Бахт эшигин очган соф юрак,
Гам келганда бирга кон ютиб,
Кун кулганда яшнаган фалак.

Юрагимни ситавераман,
Сизни яна кутавераман...

Кайта-кайта эшигим кокиб,
Сиз келасиз уксиб, огриниб,
Мен йиглайман сувратга бокиб,
Сизни кумсаб, сизни согиниб...

Келган сизмас... утавераман,
Сизни яна кутавераман...

Кахр этарлар, сочарлар захар,
Чуктирарлар кунглинг ер кадар,
Бир суз топдим баърига самар,
Юлдузларга тош отадилар...

Шохларингда битган асал канд,
Мевалисан, бандларинг тирбанд,
Булмок истар у хам бахраманд,
Юлдузларга тош отадилар.

Тирногингдан кидирсалар кир,
Пичирласа ортингдан кимдир,
Парво килма топсалар унсир,
Юлдузларга тош отадилар...

Кушни билан талашар улар,
Уч кун утиб ярашар улар,
"ёмон"лардан этарлар хазар,
Юлдузларга тош отадилар...

Ерга урмок фикру - уйлари,
Хато килган кунинг туйлари,
Етмаса хам хатто буйлари,
Юлдузларга тош отадилар...

Булсанг эди оддий бир одам,
Ё инкиллаб ташласанг кадам,
Бокмасдилар, сен тош отсанг хам...
Юлдузларга тош отадилар!

Завклан хар гал текканида тош,
Тек тутавер ёрилса хам бош,
Жилмайгину этавер бардош,
Юлдузларга тош отадилар...

Деворимда коядек елка
Кимир этмай турар соатлаб,
Саволларим этади тилка,
Ким экан у келган бир йуклаб.

Кулим чуздим хавода колди,
Туккан ёшим куриди изсиз,
Жон юкидан билагим толди,
Сен бир йуклаб келмадинг, эссиз.

Тунлар каро катимдай узун,
"Дод" тугулар, узим дояман,
Тикир этса вужудим тутун,
Деворимда ёлгиз сояман...

Арвох менман, ажина узим,
Олайган куз узимнинг кузим.
Ёт шарпа йук узимдан булак,
Сукунатдан бугулган бугзим.

Мухаббат денг, севги, оташ денг,
Мажнунадай ках-ках куламан,
Девона денг, сиз мендан кочинг,
Мен хам сиздан узок ёраман.

Асрагандим уни багримда,
Излаб-излаб бир кун топдилар,
Улдирдилар, кумдим калбимга,
Юрагимда арвохлар юрар...

Тун алами кушигин куйлар,
Ажиналар базмида улар:

"...Шамол эсса, шох силкинса,
Дарахтларим душманим.
Юлдуз учса, ёруг кучса
Ойнам одамкуш маним.
Шитир этса, япрок тушса,
Калбим тутдай тукилар,
Кузим юмсам, уйку элтса,
Тушлар танам кемирар.
Шамол эсса шох силки..."

Гудак булдик, митти жон,
Сунг буй чуздик, беармон,
Хар биримиз бир жахон,
Тинмадингга онажон...

Куп кийганни кийсин деб,
Корни, кузи туйсин деб,
Оталикдай юрсин деб,
Тинмадингга онажон.

Орзу-умид, сандик сеп,
Келин, куёв, туй-куй деб,
Сен ош бердинг туршак еб,
Тинмадинга онажон...

Кун-кун каддинг букилди,
Тишинг бир-бир тукилди,
Калбинг дондек экилди,
Тинмадинга онажон.

Этак этак набира,
Купдан каминг йук сира,
Фарзандларинг бек, тура,
Тинмадинга онажон.

Хар бирида уч ховли,
Казо-казо суровли,
Кушша-кушша уловли,
Тинмадинга онажон...

Айтмайсан дил додингни,
Огригингни, дардингни,
"Нима деркан хотини"
Тинмадингга онажон.

Уз холингни биласан,
Курпани не киласан,
Набирангга иласан,
Тинмадингга онажон.

Дунё билдинг кизингни,
Келинингни, углингни,
Огритсак хам кунглингни,
Тинмадингга онажон.

Ёмгир ёгар, кор ёгар,
Гох саргайиб барг ёгар,
Гох танангга дард ёгар,
Тинмадингга онажон.

Гимир-гимир сахардан,
Кай юмушинг булди кам,
Олтмиш бирни урдинг хам,
Тинмадингга онажон...

Яшайман, овунаман:
Охир бир кун тинаман,
Сенга караб куяман,
Тинмадингга онажон.

Кизиб кетди иймон кулоги,
Жушиб кайнар гийбат булоги,
Етардику куксимнинг доги,
Зерикканга ухшар ёмонлар.

Пичирларлар, ушларлар ёка,
Гап кулокка такарлар така,
Бир лахзада олам бир чака,
Болалайди калбда гумонлар.

Гап козонни доглаб ювиксиз,
Фиск нишонин хато олибсиз,
Фасодингиз колар жавобсиз,
Кукка етар сизнинг фигонлар.

Менинг калбим гуллаган чаман,
Дуст десалар багрим очаман,
Алдаб захар тутар ёсуман,
Кунгли нопок, тили бийронлар...

Эзгуликни уйлайман кардош,
Гунохларим ёвларга талош,
Тошлар отинг эгилмас бу бош,
Сизни килдим жуда сарсонлар.

Уз умрига узи зоминсиз,
Дарз этурсиз хаёт жомин сиз,
Юрагимдан учди номингиз,
Кимнинг кунгли тулди нодонлар...

Кудратинг нимада...?

Кудратинг кайдадир сенинг одамзот,
Калбинг розидами, тилларингдами?
Ё кутлуг дунёнинг шанига уят,
Фикринг колиб нопок йулларингдами?

Вох, юлдуз умрига тенгмасдир умринг,
Уда нур сочадир кундан угирлаб.
Зулмат сочмокликка етса шууринг,
Нечун яшаяпсан ойдинлик тилаб.

Кузларинг етган жой, сенинг манзилинг,
Имконинг кулларинг етган жойдадир.
Тилларинг етган жой, сенинг кимлигинг.
Кучинг тушда булса.... тушга фойдадир...