5/8/2007 3:42:31 PM
Тушлар энди мени тинч куйинг...

Тушлар энди мени тинч куйинг
Бас энди бехуда огритиш.
Майлига аламда уртанинг,
Лекин мени урташ маънисиз.

Мен энди хижроннинг ёриман,
Келинман согинчнинг уйида.
Мен энди сочимнинг кориман,
Йитиб кетдим висол куйида.

Содикман аламга бир умр,
Куксимда армонлар болалар,
Йукотган узлигим уксинур,
"Мен качон уйимга бораман?"

Тушга кирма отамнинг уйи,
Мен сенга хиёнат килганман.
Эсланма бегубор юрт куйи,
Мен хорижни афзал билганман.

Дугоналар кирманг тушимга
Не фойда янчимок багримни.
Мен энди келмайман хушимга,
Юлдузлардан суранг рангимни.

Ёзаман девона рохибдай,
Куйилар сузларим кузимдан,
Борликка бокаман ракибдай,
Жирканиб кетаман узимдан.

Одамлар, одамлар канисиз,
Севгингизга лойик булмадим,
Сиз мени хали хам кутасиз,
Нечун мен ёрилиб улмадим.

Хеч кимда мендайин алам йук,
Туши йук илондай чаккувчи.
Менга юртдан бошка олам йук,
Йулимда интизор боккувчи.

Тушлар хеч булмаса сиз келманг,
Шусиз хам куз ёшим бир уммон.
Согинсангиз куз ёшла, тингланг,
Уйноклаб окканда Зарафшон.

---