1/1/2009 6:25:04 PM
Юртдошларга янги йил тухфаси

Йил сунгида курай дедим дийдорингиз,
Толе булди такдиримда сиз борингиз,
Ювай дедим дилдан дарду-губорингиз,
Бугун энг соф тилагимни олиб келдим.

Яна бир йил ортимизда колиб кетди,
Умримизнинг бир булагин олиб кетди.
Ростин айтсам бир ховуч дард солиб кетди,
Тогдек колган кукрагимни олиб келдим.

Туйлар булди, зор какшадик боролмадик,
Энг сунгги дам кимнинг кунглин ололмадик,
Ташвиш дедик, гохи хол хам суролмадик,
Жон деб жони халагимни олиб келдим.

Мен ортимга каролмайман, дармоним йук,
Факат олдга интилмасам имконим йук,
Юрт олисда, эл олисда, сарбоним йук,
Йиртик-ямок куйлагимни олиб келдим.

Очилмаган тугунларда хижрон колди,
Тахкирларда, тухматларда ёлгон колди,
Баъри утди, калб тубида иймон колди,
Ой ёритган бурчагимни олиб келдим.

Уч юз олтмиш беши бирдай огрик булди,
Тузиб кетдим колган умр доглик булди,
Биллурдай дил чил-чил синди, ёриг булди,
Булинмаган булагимни олиб келдим.

Эрта янги кун бошланар, янги хаёт,
Зора берса максадларга учкур канот,
Битта-битта пой босамиз, суйлаб байёт,
Айтилмаган эртагимни олиб келдим.

Янги йилда ёруг кунлар хамдам булсин,
Толикдикку, калб янгитдан бардам булсин,
Йил сунгида муродимиз бекам булсин,
Бугун энг соф тилагимни олиб келдим.

31.12.2008

---