4/15/2007 12:16:09 AM
Беш юз долларлик хажвия.

Ёзда бир ошнасининг туйида иштирок этиш учун Калгари боришга отланган Эрвин бошка бир ошнасидан янгигина сотиб олган спорт машинасини бериб туришни суради. Ошнаси хам йук демади. Эрвин сахарлаб хотини билан хайрлашиб, маркетдан совга-салом харид килган булдию, Калгарига караб йулга чикди. Машина текис йулда кушдай учиб борар, очик ойнадан ичкарига ураётган енгил шамол кишига хузур багишларди. Шахарлараро йулда машина жуда кам, енгил мусика кайфиятини кутариб юборган Эрвин машина тезлигини курсатувчи курсатгич юздан ошганига карамай, борган сари тезлашиб борарди. Йул ярмига етай деганда, оркасидан чирокларини ёкиб келаётган полиция машинасига кузи тушган Эрвин сесканиб кетди. Хаёлидан "О-о тезликни оширганим учун беш юз кетадиган булдида - деб уйлади. Калласи бирдан ишлаб кетди. - Янги спорт машинаси булса, шуларни догда колдириб кетмай менга нима булибди" деган фикр утиб, машинанинг тезлигини янада оширди. Машина оёклари ерга тегмаётгандай, хавода учаётгандай эди, аммо полиция машинаси хам хеч оркага колаётгани ухшамасди. Шу йусинда ярим соатча йул босишди. Эрвин терлаб пишиб-кетди. Тезлик курсатгичи кизил чизикка якинлашди. Эрвиннинг юраги тез ура бошлади. Йулнинг икки томонидаги чукурликка караб: - Тезликни оширганим учун жаримадан кочиб улиб кетаманми? - деган хаёл лип этиб фикридан утдию, машинани секинлаштирди. Озгина юриб машинани йул четига тухтатди. Оркадан полиция машинаси хам "вию-вию"лаб спорт машинасининг олдинига келиб тухтади. Икки ёш полиция оффицери бир вактда машинадан тушиб келишди. Уз айбини билган Эрвин хам машинасидан тушди-да полиция оффицерига эркакчасига кул бериб саломлашди. Полиция оффицерининг хам, Эрвиннинг хам чехрасида жиддийликдан кура, табассумга мойилликни сезиш мумкин эди. Коида юзасидан хайдовчилик гувохномасини, каёкка бораётганини, касбини, каерда ишлашини сураган полиция оффицери, Эрвинга караб "Сен хозир беш юз доллар жарима солишга лойик тартибни буздинг. Аммо иккаламизнинг хам иш соатимиз тугашига икки дакика колди. Жуда чарчаганмиз. Мабодо шу икки дакика ичида нимага кочганингни кулгули килиб айтиб билсанг, жарима солмаймиз" деди соатига караб. Эрвин жиддийлашди. "Бу ерда хеч канака кулгули нарса йук - деди у бошини кимирлатиб. Утган йили хотиним бир полиция оффицери билан кочиб кетган эди. Полиция машинасини куриб, уша полиция оффицери хотинимни кайтариб олиб келаяптими деб куркиб кетдим" Икки ёш оффицер бирданига ках-ках уриб кулиб юборишди.

---